ҚЫЛМЫСТЫҚ-ҚҰҚЫҚТЫҚ ТӘУЕКЕЛДЕР ЖАҒДАЙЫНДА БИЗНЕСТІ ҚОРҒАУ: ПРАКТИКАЛЫҚ ҰСЫНЫМДАР

2026 жылғы 3 қарашада TKS Disputes кеңесшісі, адвокат Назерке Ризабекова «Қылмыстық-құқықтық тәуекелдер жағдайында бизнесті қорғау: практикалық ұсынымдар» атты вебинар өткізеді.

Қызметкерді жауап алуға шақыру, кеңседе тінту жүргізу және құжаттарды ұсыну туралы талаптар компания қызметіне елеулі ықпал етуі мүмкін. Осындай жағдайларда компания басшыларының, заң қызметі мамандарының және қызметкерлердің, соның ішінде адвокат келгенге дейінгі кезеңде, дұрыс әрекет ету тәртібін түсінуі маңызды.

Вебинар аясында тергеу әрекеттері кезінде бизнес алдында туындайтын өзекті практикалық мәселелер талқыланады. Қарастырылатын мәселелер жауап алуға шақыру тәртібінен бастап, қызметтік электрондық пошта мен компания ақпаратына қол жеткізуге қойылатын талаптарға дейінгі тақырыптарды қамтиды.

Талқыланатын негізгі тақырыптар

• Жауап алуға шақыру: қызметкердің әрекеттері және дайындық ерекшеліктері.
• Тінту және алып қою: адвокат келгенге дейін басшы мен қызметкерлердің әрекеттері.
• Құжаттар мен цифрлық деректер: құрылғыларды, құпиясөздерді беру және ақпаратқа қол жеткізу талаптарына жауап беру.
• Заң бұзушылықтарды тіркеу: тергеу әрекеттері кезіндегі маңызды жайттар және заң бұзушылықтарды тіркеу тәртібі.

Кімдерге пайдалы?

Вебинар кәсіпкерлерге, компания басшыларына, заңгерлерге, комплаенс және корпоративтік қауіпсіздік саласының мамандарына арналған.