Kazakhstan Legal Forum 2026

2026 жылғы 24–25 қыркүйекте Алматы тағы да өңірдің заң қоғамдастығы бас қосатын орталыққа айналады. The Ritz-Carlton Almaty қонақүйінде Орталық Азиядағы ең ірі жыл сайынғы заң форумы – Kazakhstan Legal Forum 2026 өтеді. Форум 16 жылдан бері заң қоғамдастығы, бизнес және мемлекеттік сектор үшін өзекті мәселелерді талқылайтын жетекші алаң болып келеді.

Осы жылдар ішінде Kazakhstan Legal Forum кәсіби конференция шеңберінен шығып, заң нарығының даму үрдістері, өзекті сын-қатерлер мен өзгерістер талқыланатын беделді пікірталас алаңына айналды. Форумда жетекші заңгерлер, компаниялардың заң департаменттерінің, мемлекеттік органдардың, халықаралық ұйымдардың және бизнес қауымдастығының өкілдері бас қосып, құқық пен құқық қолдану тәжірибесінің өзекті мәселелері бойынша пікір алмасады.

2026 жылы форум 10-нан астам елден 500-ден астам қатысушыны және 80-нен аса спикер мен сарапшыны бір алаңға жинайды. Бағдарлама аясында дауларды шешу, корпоративтік құқық пен M&A, цифрлық реттеу, салық салу, құрылыс, бәсекелестік құқығы және заманауи заң практикасының басқа да өзекті бағыттары талқыланады.

TKS Disputes дәстүрлі түрде Kazakhstan Legal Forum-ның бірлескен ұйымдастырушысы ретінде дауларды шешуге арналған панельдің бағдарламасын қалыптастырады. Жыл сайын бұл алаң жетекші сот заңгерлерінің, арбитрлердің, бизнес қауымдастығы мен мемлекеттік органдар өкілдерінің басын қосып, сот және арбитраждық іс жүргізудің өзекті мәселелері бойынша кәсіби пікірталасқа жол ашады.

Kazakhstan Legal Forum Орталық Азиядағы заң қауымдастығының басты кездесу алаңы әрі заң саласының мамандары асыға күтетін жылдың маңызды кәсіби іс-шараларының бірі болып қала береді.

Форумға қатысу үшін форумның ресми сайтында алдын ала тіркелу қажет. Тіркелу барысында TKS промокодын енгізіп, 10% жеңілдік алыңыз.